स्थानीय तह निर्वाचन

भरतपुरको मेयरमा एमालेका सुवेदीले गरे मनोनयन दर्ता

प्रकाश सिग्देल

सोमबार, १२ बैशाख २०७९, १४ : २८
भरतपुरको मेयरमा एमालेका सुवेदीले गरे मनोनयन दर्ता

चितवन । नेकपा एमालेका तर्फबाट मेयर पदमा विजय सुवेदीले भरतपुर महानगरपालिकाका लागी मनोनयन दर्ता गरेका छन् । मनोनयन दर्ता गरेपछि उनले संक्षिप्त प्रतिक्रिया दिँदै भरतपुरलाई पूर्वाधार र सामाजिक जीवनका दृष्टिले उत्कृष्ट सहर बनाउने प्रतिबद्धता व्यक्त गरेका छन् ।उनले बृहत गुरुयोजना बनाएर चितवन मकवानपुर र दाउन्नेलाई जोडेर विशेष शहर बनाउने दावी गरे ।

उनले मतदातालाई अपिल गर्दै अन्तरआत्माको आवाज सुनेर उपयुक्त व्यक्तिलाई मतदान गर्न आग्रह गरे । एमालेले भरतपुरको उपमेयरमा राप्रपालाई सहयोग गर्ने सहमति भएको छ ।

सोमबार उम्मेदवारी दिन एमालेका नेता कार्यकर्ताहरू बाजागाजासिहत हजारौको संख्यामा निर्वाचन अधिकृतको कार्यालय पुगेका थिए । अव केही बेरमा सत्ता गठबन्धनका तर्फबाट मेयरमा रेनु दाहाले मनोनयन दर्ता गर्दै छिन् । काग्रेसका असन्तुष्ठ समुहले पनि काग्रेसका नेता तथा पुर्व राष्ट्यि सभा सदस्य जगन्नाथ पौडेल लाई उमेदवार बनाउदैछन् । उनले पनि मनोनयन दर्ता गर्दै छन् ।