ओली प्रवृत्तिका कारण एमालेको भविष्य सकियो: माधव नेपाल

काठमाडौं । नेकपा एकीकृत समाजवादी पार्टी (एस) का अध्यक्ष माधवकुमार नेपालले ओली प्रवृत्तिका कारण एमालेकै भविष्य सकिएको दावी गरेका छन ।

नेकपा स्थापना दिवसका अवसरमा आज (शनिबार) आयोजित कार्यक्रमलाई सम्बोधन गर्दै उनले यस्तो बताए। नेकपा एमालेका अध्यक्ष केपी शर्मा ओलीको कुर्सीको एउटा टेको नै भाँच्चियो र अर्को खुट्टा पनि बलियो नभएको उनको दावी छ ।

उनले एकपछि अर्को गर्दै नेकपा एमालेका मानिसहरु धमाधम आफ्नो पार्टीमा प्रवेश गरेकाले दावी गरे । जसका कारण नेकपा एमालेका अध्यक्ष केपी शर्मा ओलीको कुर्सीको खुट्टा भाँच्चिएको अध्यक्ष नेपालको तर्क छ ।

नेकपा एमालेका अध्यक्ष केपी शर्मा ओलीको व्यक्तिवाद र अहंकार प्रवृत्तिका अगाडि इमान्दार र असल मानिसहरु बस्नै नसक्ने नेकपा एसका अध्यक्ष माधवकुमार नेपालले बताए।