रुपन्देही । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले राप्रपा जनताको भविष्यको पार्टी भएको बताएका छन् । राप्रपाले बुटवलमा बिहीबार आयोजना गरेको चुनावी सभामा बोल्दै अध्यक्ष लिङ्देनले देश बचाउने र बनाउने मुद्दामा राप्रपा प्रतिबद्ध रहेको बताएका हुन् ।
‘देशभन्दा ठूलो र माथि कोही नभएकाले देश बचाउन कांग्रेस, एमाले र माओवादीका विरुद्ध राप्रपालाई मत दिने समय आयो’, उनले भने, ‘गएको चुनावमा ठीक पार्टी र ठीक नेता चुन्न नसकेकाले देश र जनताले दुर्गति भोग्नुपरेको छ । नेपाली जनताले त्यो विषय प्रष्ट बुझेका छन्, अहिलेको जनलहरले त्यो प्रस्ट पारेको छ ।’
कांग्रेस, एमाले र माओवादीले पाएसम्म ऋण ल्याई भत्ता खाएर देश चलाएको आरोप लगाउँदै लिङ्देनले भने, ‘राजनीतिक दलको विकल्पमा राप्रपा आएको हो । हुँदा खाँदाको राजतन्त्र र हिन्दू राष्ट्र फाल्ने निर्णय गलत भएकाले राप्रपा जनतासँग सही एजेण्डा लिएर चुनावमा मत माग्न आएको छ । कांग्रेस, एमाले र माओवादीका कारण देश असफल राष्ट्रको बाटोतर्फ गएको छ । नेपाली जनताले बुझेका छन् । नबुझेकालाई हामी बुझाउने छौं ।’
संघीयताले देशको ऋण र कर बढेको बताउँदै उनले कर तिरेर पनि जनताले केही नपाएको औंल्याए । राष्ट्रघातीहरुलाई हराउन बाउबाजेको पार्टी राप्रपालाई भोट दिन उनले आग्रह गरे ।
प्रतिक्रिया दिनुहोस
सफल खबर संवाददाता
विहीबार, ०८ बैशाख २०७९, १७ : ५०
लेखकबाट थप
सम्बन्धित समाचारहरु
तीन नेताको निलम्बनपछि आक्रोश : राप्रपा नेतृत्वको अन्यायपूर्ण निर्णयविरुद्ध सङ्घर्ष गर्छौँ
टिकटकमाथिको प्रतिबन्ध गलत : अध्यक्ष लिङ्देन
राप्रपा अध्यक्ष लिङ्देन आज अमेरिका जॅादै
सरकारले विशेष आयोग गठन गर्नुपर्छः राजेन्द्र लिङ्देन
राप्रपा अध्यक्ष लिङ्देन साउदी अरब प्रस्थान
पूर्वप्रधानमन्त्रीहरू परेपछि गठबन्धनले बालुवाटार जग्गा प्रकरण सामसुम पार्ने निर्णय गर्यो : अध्यक्ष लिङ्देन