मुद्रास्फितिमा चाप बढ्ने एडीबीको प्रक्षेपण

काठमाडौं । एसियाली विकास बैंक एडीबीले सन् २०२२ मा नेपालको आर्थिक बृद्धि ३ दशमलब ९ प्रतिशत पुग्ने प्रक्षेपण गरेको छ ।एडीबीको प्रमुख आर्थिक प्रकाशन एसियाली विकास आउटलुकमा नेपालको आर्थिक बृद्धि सन् २०२१ को तुलनामा सन् २०२२ मा बलियो हुने देखिएको जनाएको हो । एडीबीको प्रतिवेदनमा भनिएको छ, “नेपालको अर्थतन्त्र आर्थिक वर्ष २०२१ मा अनुमानित २ दशमलब ३ प्रतिशतको वृद्धिबाट आर्थिक वर्ष २०२२ मा ३ दशमलब ९ प्रतिशत बजार मूल्यमा वृद्धि हुने अनुमान गरिएको छ ।”

कोडिभ १९ विरुद्धको खोपका कारण आर्थिक गतिविधिमा क्रमिक सामान्यीकरण हुँदै अनुकूल समष्टि आर्थिक नीतिहरूका कारण उच्च वृद्धिको लागि प्रोत्साहनका कारण आर्थिक बृद्धिमा सुधार आउने एडीबीले जनाएको छ । विशेषगरी कोरोना विरुद्धको खोप अभियानले आर्थिक गतिविधि संचालन हुँदा अर्थतन्त्रमा सुधारको आशा गरिएको हो ।यद्यपि रसिया–युक्रेन युद्धका कारण विकसित अर्थतन्त्रको सुस्त वृद्धि, अवरुद्ध अन्तर्राष्ट्रिय व्यापार र उच्च तेल तथा अन्य वस्तुको मूल्यले मुद्रास्फीतिलाई धक्का दिने र यसले नेपालको भुक्तानी सन्तुलन एवं विदेशी मुद्रा सञ्चितिमा थप दबाब पर्न सक्ने छ । 

२०२१ को ग्रीष्मकालीन मनसुनमा प्रचुर वर्षाको बीचमा धान रोपाइको प्रतिज्ञा गरिएको हुनाले कृषिमा पहिले राम्रो वृद्धि हुने अपेक्षा गरिएको बैंकले जनाएको छ । यद्यपि, अक्टोबरको मध्यमा अप्रत्याशित वर्षा र बाढीका कारण तयार बालीमा क्षति पु¥यायो, जसले यस आर्थिक वर्ष धान उत्पादनमा करिब ९  प्रतिशतले कमी ल्यायो । उपभोक्ता र लगानीको बढ्दो मागको आधारमा आर्थिक वर्ष २०२२ मा उद्योगको वृद्धि ४दशमलब १ प्रतिशतमा पुग्ने अपेक्षा गरिएको बैंकले जनाएको छ । थोक र खुद्रा व्यापार, यातायात, र वित्तीय सेवाहरू उठेका कारण सेवा क्षेत्र ५ दशमलब २ प्रतिशतले बढ्ने सम्भावना रहेको बैंकले जनाएको छ ।

सन् २०२१ मा अन्तर्राष्ट्रिय पर्यटन उदासीन रहेको तर कोभिड–१९ को अवस्था नियन्त्रण रहेमा बिस्तारै पर्यटन क्षेत्रमा पनि सुधार आउने सम्भावना रहेको बैंकले जनाएको छ ।बैंकले सन् २०२२ मा मुद्रास्फिती ६ दशमलब ५ प्रतिशत हुने प्रक्षेपण गरेको छ । सन् २०२१ मा ३दशमलब ६ प्रतिशतबाट बढ्ने बैंकले जनाएको छ । रसिया युक्रेन युद्धका कारण विश्व बजारमा इन्धन र कमोडिटीको मूल्य बढेकाले मुद्रास्फिती  बढ्ने देखिएको बैंकले जनाएको छ ।