काठमाडौं । हेटौँडा उपमहानगरपालिकाको सहयोगमा हेटौँडा सरकारी अस्पतालमा डायलासिस सेवा सुरु गरिएको छ ।
उपमहानगरपालिकाको समन्वय र सहयोग तथा अस्पतालको प्राविधिक व्यवस्थापनमा डायलासिस सेवा सुरु गरिएको छ । अहिले सो अस्पतालमा १० मेसिनमार्फत बिरामीको डायलासिस भइरहेको छ ।
हेटौँडालगायत मकवानपुरमा डायलासिस गर्नुपर्ने ५३७ बिरामी रहेका छन् । उक्त सेवा हेटौँडामा पाएपछि जिल्ला बाहिर जाने अवस्था नरहेको उपमहानगरपालिकाका प्रमुख हरिबहादुर महतले जानकारी दिए । नगरवासीलाई पहिलो स्वास्थ्य सुविधा दिएपछि पूर्वाधार विकासमा जोड दिएको र आगामी दिनमा समेत अस्पताललाई सहयोग गर्ने उनले बताए ।
यसअघि हेटौँडामा निजी क्षेत्रबाट सञ्चालनमा रहेको चुरेहिल अस्पतालले मात्र डायलासिस सेवा दिइरहेको थियो । हेटौंडाको सरकारी अस्पतालमा सो सेवा उपलब्ध भएपछि वीरगञ्ज, काठमाडौँ र चितवनलगायत ठाउँ डायलासिसका लागि जाने अवस्था हटेकोमा स्थानीय खुसी भएका छन् ।
प्रतिक्रिया दिनुहोस
रासस
विहीबार, २६ फागुन २०७८, ०८ : ५१
लेखकबाट थप
सम्बन्धित समाचारहरु
हेटौँडा अस्पतालमा चिकित्सक नहुँदा थन्किए उपकरण
बाजुराको जगन्नाथमा १० शैय्याको अस्पताल सञ्चालनमा
भेरी अस्पतालमा स्वास्थ्य बीमा कार्यक्रमबाट सेवा लिने बढे
कर्मचारी सञ्चय कोषले तोक्यो सञ्चयकर्ताले उपचार सुविधा पाउने अस्पताल
उपचारको रकम तिर्न नसक्दा दुर्गाप्रसाद अस्पतालमै
बागमतीका १० अस्पतालको स्तरोन्नति गर्ने सरकारको निर्णय