गैडाकोटको विकट बस्ती ढोडेनीमा ७ करोडको लगानीमा खानेपानी, स्थानिय हर्षित

गैडाकोट । शहर नजिक बसेर पनि विकासको अनुभुती गर्न नपाएका नवलपुरको गैँडाकोट नगरपालिका वडा नम्वर ३ का बासिन्दाले अब भने जिवन फेरिएको महशुस गर्न थालेका छन् ।  प्रदेश र स्थानिय सरकारले गाउँमा सडक र खानेपानीका लागी उचित ब्यवस्था गरेपछी स्थानियमा केही सहज महसुस गर्न थालेका छन् ।

नगरपालिकाले खानेपानी र सडकको बिस्तार गरेपछी वर्षौदेखी खानेपानीको समस्या भोगिरहेका आफुहरुलाई सहज हुने ढोडेनीकी मोती कुमारी कुँवरले बताईन् । महाभारत पर्वत श्रृखला अन्तर्गत पहाडको पाखामा बसेका स्थानियहरु बिगत कैंयौ वर्ष देखी खानेपानीको समस्यामा रहेका थिए ।

सुख्खा डाँडामा बस्ती बसेका कारण पानीको अभाव हँदा अन्न उब्जाउनका साथै खानेपानीको लागी समेत धेरै ठुलो पिडा स्थानियले भोग्ने गरेका थिए । स्थानिय सरकार बनेपछि भने गैडाकोट नगरपालिका र प्रदेश सरकारले वडा नम्वर ३ मा मात्रै ७ करोड लागतमा चारवटा ओभरहेड ट्यांकी निर्माण गरेर वडावासीलाई खानेपानी वितरण को तयारी थालेको छ ।

गैँडाकोटको वडा नम्बर ३ मा नगरस्तरीय योजना अन्तर्गत ४० लाखका दुई वटा खानेपानी योजना तथा प्रदेश योजना अन्तर्गत करिब साढे ६ करोडका थप दुईवटा योजना सञ्चालनमा रहेको गैडाकोटका नगर प्रमुख छत्रराज पौडेलले बताए ।  

ओभरहेड ट्यांकीबाट पानी पु¥याउन अप्ठ्यारो रहेको ठाउँमा समेत लिफ्टिङ गरेर सिँचाई सहित खानेपानीको सुविधा पु¥याउने तयारी गरिएको छ । खानेपानीको आयोजना सन्चालन पछि भने सिचाईका लागी पनि सहज हुने अन्न फलफुल,तरकारी गाउँमै फल्ने स्थानियले अपेक्षा गरेका छन् ।