चितवन राष्ट्रिय निकुञ्जमा फेला पर्यो मृत गैंडा

चितवन । चितवन राष्ट्रिय निकुञ्जको बाघमारा पोष्ट नजिकै काभ्रेताल छेउमा अन्दाजी दुई वर्षको गैँडा मृतावस्थामा फेला परेको छ ।

बाघको आक्रमणबाट गैँडा मरेको निकुञ्जका सूचना अधिकारी गणेशप्रसाद तिवारीले बताए ।  गैँडाको खुर सुरक्षित रहेको र  उमेरका कारण खाग पलाउने अवस्था नरहेको उहाँले बताए । निकुञ्जमा चालू आर्थिक वर्षमा दुई चोरी शिकारी र २२ प्राकृतिक कारणले गैँडा मरेका छन् ।