चितवनको टिकौलीमा एक पुरुषको शव फेला

सफल खबर संवाददाता

आइतबार, ०९ माघ २०७८, १८ : १२
चितवनको टिकौलीमा एक पुरुषको शव फेला

चितवन । चितवनको टिकौलीमा एक पुरुषको शव फेला परेको छ । भरतपुर टाँडी टिकौली जंगल सडकखण्डबाट पश्चिमतर्फ मृतकको शव फेला परेको हो ।

आज (आइतबार) दिउँसो करिब १ बजेको समयमा चितवन राष्ट्रिय निकुञ्जको जंगल ईलाकामा पहिचान नखुलेको अन्दाजी ५५ देखि ६० बर्ष उमेर समुहको कालो ज्याकेट , कालो सेतो उलनको सर्ट,हरियो रंगको कपडाको पाइन्ट लगाएको पुरुषको शव फेला परेको जिल्ला प्रहरी कार्यालय चितवनले जनाएको छ ।

घटनास्थलमा शव अनुहार, घाँटी, छातको भाग जंगली जनवारले खाएको जस्तो अवस्थामा देखिएको चितवन प्रहरीले जनाएको छ । प्रहरीले मृतकको शव पोष्टमार्टमकोलागी भरतपुर सरकारी अस्पतालको शव गृहमा सुरक्षित राखिएकोले चिन्नु भएमा निजको आफन्तलाई जिल्ला प्रहरी कार्यालय चितवनमा सम्पर्क राख्न अनुरोध गरेको छ ।