मधेस प्रदेशमा एमाले-लोसपाबीच गठबन्धन

काठमाडौं । राष्ट्रियसभा निर्वाचनका लागि मधेश प्रदेशमा नेकपा एमाले र लोकतान्त्रिक समाजवादी पार्टी (लोसपा)बीच गठबन्धन घोषणा गरेका छन्। 

बिहीबार जनकपुरस्थित शुभम् होटलमा एक कार्यक्रमबीच आगामी माघ १२ मा हुन लागेको राष्ट्रियसभा निर्वाचनका लागि गठबन्धन घोषणा गरेका हुन् । सहमतिमा एमालेका मधेस प्रदेश अध्यक्ष राम औतार यादव र लोसपाका प्रदेश अध्यक्ष जितेन्द्र सोनलले हस्ताक्षर गरेका छन् । 

सहमतिअनुसार अन्यतर्फ एमालेका उम्मेदवार उसमान अन्सारी र महिलातर्फ लोकतान्त्रिक समाजवादी पार्टीकी उम्मेदवार रुपाकुमारी यादवलाई दुबै पार्टीले सघाउनेछन् । यता, सत्ता गठबन्धनबाट माओवादी केन्द्रकी उर्मिला अर्याल र जनता समाजवादीका महमद खालिदको उम्मेदवारी परेको छ।