माओवादी केन्द्रबाट को–को बन्ने भए राष्ट्रियसभा निर्वाचनमा उम्मेदवार ?

सफल खबर संवाददाता

मंगलबार, २० पुस २०७८, १० : ०१
माओवादी केन्द्रबाट को–को बन्ने भए राष्ट्रियसभा निर्वाचनमा उम्मेदवार ?

काठमाडौँ । राष्ट्रियसभा निर्वाचनका लागि नेकपा माओवादी केन्द्रले आफ्ना उम्मेदवारको नाम टुंग्याएको छ । उम्मेदवारको नाम चयनको जिम्मा पाएका अध्यक्ष पुष्पकमल दाहाल प्रचण्डले मंगलबार बिहान उम्मेदवारको टुंगो लगाएका हुन् ।

सोमबार माओवादीको केन्द्रीय समिति बैठकले राष्ट्रियसभा सदस्यका उम्मेदवार चयन गर्ने जिम्मा अध्यक्ष प्रचण्डलाई दिएको थियो ।

माओवादी केन्द्रले प्रदेश २ मा उर्मिला अर्याल, गण्डकीमा सुरेश आलेमगर (अन्य समूह) र भरत सुनार (दलित), कर्णालीमा नरबहादुर विष्ट  (अपांगरअल्पसंख्यक) र सुदूरपश्चिममा जगत पार्की (दलित) लाई उम्मेदवार बनाउने भएको हो ।

राष्ट्रियसभामा रिक्त हुने १९ सदस्यका लागि आउँदो माघ १२ गते चुनाव हुँदैछ । त्यसका लागि मंगलबार उम्मेदवारको मनोनयन दर्ता हुँदैछ।