मुलुक चुनावतिर गइसक्यो, निष्पक्ष र धाँधलीरहित बनाउन दलहरूबीच समझदारी आवश्यक : प्रचण्ड

सफल खबर संवाददाता

मंगलबार, १४ मंसिर २०७८, १७ : १७
मुलुक चुनावतिर गइसक्यो, निष्पक्ष र धाँधलीरहित बनाउन दलहरूबीच समझदारी आवश्यक : प्रचण्ड

रूपन्देही । पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डले सबै राजनीति दलका अधिवेशन चुनाव केन्द्रीत भएको बताएका छन् । उनले यी अधिवेशनले मुलुकलाई चुनावतर्फ लगेको उनले बताएका छन्।

CG Hills

आज बुटवलमा माओवादी जिल्ला इन्चार्ज स्व रामप्रसाद बञ्जाडेको श्रद्धाञ्जली सभामा बोल्दै उनले दलहरू महाधिवेशनमा गएको र ती महाधिवेशनले चुनाबी तयारी गर्न थालिसकेको बताए।

‘मुलुक चुनाबतिर गईसकेको संकेत दलका महाधिवेशनहरूका गतिविधिले गरिरहेका छन्’ उनले भने, ‘चुनाबलाई निष्पक्ष र धाधलीरहित बनाउन दलहरूबीच आपसी समझदारी र सहकार्य जरूरी छ।’

उनले समाजवाद उन्मुख भइसकेको मुलुकलाई समृद्ध बनाउनका लागि पनि दलहरूबीच सहकार्य जरूरी रहेको बताए। ‘संविधानको समावेशी र समानुपातिक मूल्यमान्यतालाई आत्मसाथ गर्दै जनताका चाहना पूरा गर्न सहकार्य र सहमतिको खाँचो छ, उनले भने।

उनले नेता बञ्जाडेको योगदानको चर्चा गर्दै योद्धाहरूको सपना पूरा गर्नका लागि माओवादी प्रतिबद्ध रहेको बताए। नेता बञ्जाडेको बुटवलमा दुर्घटनामा परी मृत्यु भएको थियो।

प्रतिक्रिया दिनुहोस