साताको अन्तिम कारोबारमा ३.२२ अंकले घट्यो नेप्से

सफल खबर संवाददाता

विहीबार, ०९ मंसिर २०७८, १५ : ५७
साताको अन्तिम कारोबारमा ३.२२ अंकले घट्यो नेप्से

काठमाडौं । सेयर बजार परिसुचक यो साताको अन्तिम दिन ३.२२ अंकले घटेर ३७३१.७८ अंकमा कारोबार बन्द भएको छ । २३३ कम्पनीको ७४ लाख ८६ हजार ५७५ कित्ता खरिदविक्रीबाट ३ अर्ब ८९ करोड रुपैयाँ सेयर कारोबार भएको छ ।

सेन्सेटिभ परिसुचक भने ०.४५ अंकले बढेर ५१५.६४ बिन्दुमा पुगेको छ । बैंकिङ समूह, होटल तथा पर्यटन समूह र अन्य समूहको बाहेक अन्य सबै समूहको कारोबार घटेको छ ।

सबैभन्दा धेरै नीर्जीवन बीमा समूहको सुचाङ्क करिब १५७ अंकले घटेको छ । यसैगरी विकास बैंक समूहको ७१ अंक, लघुवित्त वित्तीय संस्थाको ५१ अंक, व्यपार समूहको ४३.१६ अंक, उत्पादन तथा प्रोसोधन समूहको करिब ३२ अंकले सेयर कारोबार घटेको छ ।

सम्वृद्धि फाइनान्स कम्पनीका लगानीकर्ताले आज सबैभन्दा धेरै ९.२७ अंकले बढेको छ । २६ करोड ५७ लाख रुपैयाँ बारबरको सेयर कारोबार गर्दै नेपाल दुरसञ्चार कम्पनी कारोबार रकमका आधारमा अग्रस्थानमा रहेको छ ।

प्रतिक्रिया दिनुहोस