एकीकृत समाजवादीले बनायो वार्ता टोली, पार्टीमा आउन चाहेका समूहलाई स्वागत गरिने

काठमाडौं । नेकपा एकीकृत समाजवादीले ३ सदस्यीय वार्ता टोली गठन गरेको छ । पार्टीमा आउन चाहेका राजनीतिक समूह र व्यक्तिसँग वार्ता गरेर पार्टीमा स्वागत गरिने उनको भनाइ छ । 

बुधबार बसेको सो पार्टीको केन्द्रीय सचिवालयको बैठकले महासचिव बेदुराम भुसालको नेतृत्वमा उपमहासचिव गंगालाल तुलाधर र विजयकुमार पौडेल सदस्य रहेको वार्ता टोली गठन गरेको हो । वार्ता टोलीले वार्तासम्बन्धी प्रस्ताव पेश गरी पार्टी सचिवालय समितिमा पेश गर्ने निर्णय गरेको बिहीबार उपमहासचिव ग‌ंगालाल तुलाधरले विज्ञप्ति निकालेर जानकारी दिएका छन्ए ।

एकीकृत समाजवादीले केन्द्रीय कमिटीको दोस्रो बैठक कात्तिक २७ र २८ गते काठमाडौंमा गर्ने भएको छ । बैठकले न्यायपालिकामा देखापरेको समस्यालाई गम्भीर रुपमा लिई उपयुक्त किास निकाल्न पाँच दलीय गठबन्धनमा छलफल गर्ने निर्णय पनि गरेको छ ।