आफैले पटक–पटक विघटन गरेको संसद अवरुद्ध गर्ने एमालेलाई अधिकार छैन : अध्यक्ष प्रचण्ड

काठमाडौं । नेकपा (माओवादी केन्द्र) का अध्यक्ष एवं पूर्व प्रधानमन्त्री पुष्पकमल दाहाल ‘प्रचण्ड’ले प्रमुख प्रतिपक्षी दल नेकपा एमालेले संसद अवरुद्ध गर्नु गैर संवैधानिक र गैर कानुनी कदम भएको बताएका छन् ।

प्रेस सेन्टरले आज विहान भरतपुर विमानस्थलमा गरेको पत्रकार सम्मेलनमा बोल्दै अध्यक्ष प्रचण्डले लगातार संसद अवरुद्ध गर्दै आएको एमालेसंग संसद अवरुद्ध गर्ने नैतिक र राजनीतिक अधिकार नभएको बताएका हुन् । ‘आफैले पटक–पटक विघटन गरेको संसद अवरुद्ध गर्ने एमालेलाई अधिकार छैन, बरु संसद छोडेरै गए त भइहाल्यो’ प्रचण्डले भने । उनले एमालेसंग संसद अवरुद्ध गर्नमा कुनै तर्क, तथ्य पनि नभएको बताए ।

अध्यक्ष दाहालले माधव कुमार नेपाल नेतृत्वको नेकपा (एकीकृत समाजवादी) संग तत्काल पार्टी एकता नहुने भन्दै निर्वाचनसम्म तालमेल गरेर जाने राम्रो समझादारी बनेको बताए । उनले चितवनमा पनि समझादारीका साथ अघि बढ्ने बताए ।.

2186762771415873