संसद् अवरुद्ध पारेर संविधानमाथि नै हमला : भुसाल

काठमाडौं । माधवकुमार नेपाल नेतृत्वको नेकपा (एकीकृत समाजवादी) का महासचिव बेदुराम भुसालले प्रमुख प्रतिपक्षी नेकपा (एमाले) ले संसद् अवरुद्ध पारेर संविधानमाथि नै हमला गर्ने काम गरिरहेको आरोप लगाएका छन्।

महासचिव भुसालले एमालेले अदालतमा विचाराधिन मुद्दालाई विषय बनाएर संसद् अवरुद्ध पार्नु गैरसंवैधानिक र गैरकानुनी कदम भएको तर्कसमेत गरे। शनिबार काठमाडौंमा आयोजित एक साक्षात्कार कार्यक्रममा उनले सदन अवरुद्ध पार्ने कामले एमाले आफैं जनताको माझमा नांगिदै गएको दाबीसमेत गरे।

महासचिव भुसालले मन्त्रिपरिषद्लाई पूर्णता दिने विषयमा सत्तारुढ गठबन्धनले पहिलो प्राथमिकता दिएको पनि बताए। तर उनले मन्त्रिपरिषद्ले कहिले पूर्णता पाउँछ भन्ने विषय भने खुलाएनन्।