इलाम । पहिरोले मेची राजमार्गको आधाभन्दा बढी भाग झरेपछि मेची राजमार्ग अवरुद्ध भएको छ। इलाम बजारनजिकैको धोबिधारादेखि कुलधाराबीचमा पर्ने नामसालिङ सामुदायिक विकास केन्द्र (एनसिडिसी) कार्यालयछेउको खोल्सीमा राजमार्ग नै धस्सिएर झरेको हो।
राजमार्ग अवरुद्ध भएपछि सवारीका साधन आउजाउ बिहानैदेखि बन्द छन्। राजमार्गको बाँकी आधार भागसमेत निरन्तर झरिरहेकाले सवारी साधन आउजाउ बन्द गरिएको हो। पानी नै नपरेका बेला आज ९शनिबार० बिहान सवा ६ बजेतिर पहिरो झरेको स्थानीय सुरेश पोर्तेलले जानकारी दिए।
यो स्थानमा राजमार्गको माथिल्लो भागबाट पनि निरन्तर पहिरो झरेकाले माथिल्लो सडक रहेको नारायणस्थान मन्दिरछेउसम्म जोखिम बढेको छ।
राजमार्ग अवरुद्ध हुनेगरी पहिरो झरेको ठाउँमा तल्लोपट्टि पनि अग्लो भिर रहेकाले पुनः राजमार्ग सञ्चालन गर्न निकै समय लाग्ने देखिएको जिल्ला ट्राफिक प्रहरी प्रमुख सई योगेन्द्र दाहालले जानकारी दिए। पहिरो झरेपछि पानी पर्न सुरु भएकाले यो भाग अझै बगेर जाने देखिएको उनले जनाए।
प्रतिक्रिया दिनुहोस
सफल खबर संवाददाता
शनिबार, १६ असोज २०७८, ०८ : २७
लेखकबाट थप
सम्बन्धित समाचारहरु
पहिरो खसेपछि बीपी राजमार्ग फेरि अवरुद्ध
पहिरोले सुर्खेत–जुम्ला सडकखण्ड अवरुद्ध
घोराही–थबाङ सहिदमार्गमा दुई ठाउँमा पहिरो, सडक अवरुद्ध
सुक्खा पहिरोले नारायणगढ–मुग्लिन सडकखण्ड अवरुद्ध
पहिरोले गुल्मीको रिडी–तम्घास सडक अवरुद्ध
सुक्खा पहिरोले अवरुद्ध नारायणगढ-मुग्लिन सडक खण्ड खुल्यो