एमालेमा वरिष्ठ हटाइयो, पाँच उपाध्यक्ष र छ सचिव हुने

पत्रपत्रिकाबाट

शनिबार, १६ असोज २०७८, ०७ : २९
एमालेमा वरिष्ठ हटाइयो, पाँच उपाध्यक्ष र छ सचिव हुने

काठमाडौं ।  एमालेको विधान महाधिवेशनमा  महासचिव  ईश्वर  पोखरेलले  सङ्गठनात्मक  प्रस्ताव  प्रस्तुत  गरेका छन् ।  

CG Developers Tansen Cement box

कुल  ३८  पृष्ठ  लामो  सङ्गठनात्मक  प्रस्तावमा  अध्यक्षसहित  १३  सदस्यीय  पदाधिकारीको  प्रस्ताव  गरिएको  छ  । 

 पोलिट्ब्युरो  र  वरिष्ठ  नेताको  पद  हटाइएको  छ  ।  केन्द्रीय  कमिटीपछि  स्थायी  कमिटी  रहने  व्यवस्था  गरिएको  छ  ।  पदाधिकारीमा  अध्यक्ष  एक,  उपाध्यक्ष  पाँच,  महासचिव  एक  र सचिव छ जना रहने व्यवस्था गरिएको छ ।

त्यस्तै पदाधिकारी १३  सहित  २२५  सदस्यीय  केन्द्रीय  कमिटी  रहने  प्रस्ताव  गरिएको  छ  ।  यस्तै  प्रदेश  कमिटीका  अध्यक्षहरू  पदेन  रूपमा  केन्द्रीय  कमिटी सदस्य हुने प्रस्ताव प्रस्तुत गरिएको छ ।

एमालेले  बढीमा  ४१  सदस्यीय  स्थायी  कमिटी  गठन  गर्ने  प्रस्ताव गरेको छ । विधान महाधिवेशनमा प्रस्तुत मस्यौदामा केन्द्रीय सदस्य  हुन  कम्तीमा  १५  वर्ष  पार्टी  सदस्य  हुनुपर्ने  व्यवस्थासमेत  राखिएको छ । गोरखापत्रमा खबर छ ।