प्रदेश १  र  बागमती प्रदेशमा नयाँ सरकार बन्ने माधव नेपालको दावी

काठमाडौं । नेकपा (एकीकृत समाजवादी) का अध्यक्ष  माधवकुमार  नेपालले  आफ्नो  दलको नेतृत्वमा प्रदेश १  र  बागमतीमा  नयाँ  सरकार  बन्ने  दाबी  गरेका छन् । 

 सोमबार  पेसागत  महासङ्घ  नेपालको  राष्ट्रिय  भेलालाई  सम्बोधन  गर्दै  अध्यक्ष  नेपालले  दुईवटा  प्रदेशमा छिटै एकीकृत समाजवादी पार्टीको नेतृत्वमा सरकार  गठन  हुने  दाबी  गरे । 

त्यसका  लागि  तयारी अवस्थामा रहन पेसागत महासङ्घलाई उनले अनुरोध गरे ।  बैठकमा  सहभागी  पेसागत  महासङ्घका  उपाध्यक्ष  एवं नेकपा  (एकीकृत  समाजवादी) का  केन्द्रीय  सदस्य  प्रेमल  खनालले  तत्कालै  दुईवटा  प्रदेशमा नेकपा (एकीकृत समाजवादी) को नेतृत्वमा सरकार बन्न लागेको नेता नेपालले बताएको जानकारी  दिए ।   बैठकमा  अध्यक्ष  नेपालले  प्रदेश २, कर्णाली र सुदूरपश्चिम प्रदेशमा पार्टीको प्रभावकारी उपस्थिति रहेको दाबी गरे । गोरखापत्रमा खबर छ ।