पार्टी प्रवेश गरेकाहरुलाई उचित जिम्मेवारी दिने माओवादी केन्द्रको निर्णय

पत्रपत्रिकाबाट

शनिबार, १९ भदौ २०७८, ०७ : ४५
पार्टी प्रवेश गरेकाहरुलाई उचित जिम्मेवारी दिने माओवादी केन्द्रको निर्णय

काठमाडौं । नेकपा माओवादी केन्द्रले विभिन्न पार्टी परित्याग गरेर आफ्नो पार्टीमा प्रवेश गरेकालाई उचित जिम्मेवारी दिने भएको छ।  विगतदेखि नै पार्टी प्रवेश गरेकालाई उचित जिम्मेवारी दिने नीति लिएको माओवादीले पछिल्लो पटक पार्टीमा भएको कार्यविभाजनका क्रममा कोही छुटेको भए त्यसलाई सच्याउने भनेको छ । 

CG Developers Tansen Cement box

माओवादी केन्द्रसम्बद्ध स्रोतका अनुसार पार्टी केन्द्रले इन्चार्ज अध्यक्ष तथा मातहतका समितिका पदाधिकारीलाई परिपत्र गरेर जिम्मेवारी प्राप्त नपाएका कोही भए विवरण अपलब्ध गराउन निर्देश गरेको छ । 

पार्टी एकीकरणमा आएर पनि जिम्मेवारी विहिनहरुबारे ५ दिन भित्र कार्यदललाई नाम र विवरण उपलब्ध गराउन  माओवादीले भनेको हो। 

पार्टी एकतामा आएकाहरुलाई पार्टी समितिमा आबद्ध गर्न र जिम्मेवारी दिने कामलाई पूर्णता प्रदान गर्नका लागि यसअघि नै माओवादीले गिरिराजमणि पोखरेल,  वर्षमान पुन र श्रीराम ढकाल रहेको कार्यदल गठन गरेको थियो ।