झलनाथ खनालले छोडे एमाले, दिल्लीबाटै समाजवादीमा रहेको सनाखत वारेसनामा पठाउँदै

काठमाडौं । नेकपा एमालेका वरिष्ठ नेता तथा पूर्वप्रधानमन्त्री झलनाथ खनालले अन्ततः एमाले पार्टी छोडेका छन् । उनले एकीकृत समाजवादी पार्टी रोजेका छन् । माधव नेपालले नेतृत्व गरेको एकीकृत समाजवादीले खनाललाई वरिष्ठ नेता बनाएको छ । 

हाल नयाँ दिल्लीमा उपचार गराइरहेका खनालले निर्वाचन आयोगमा आफू एमालेमा नरहेको र एकीकृत समाजवादीमा रहेको सनाखत वारेसनामा पठाउने तयारी गरेका छन् । 

खनाल निकट स्रोतका अनुसार उनले एमाले परित्याग गरेका छन् र नवगठित नेकपा एकीकृत समाजवादीको वरिष्ठ नेता बनेका छन्। भोलि निर्वाचन आयोगमा खनालले सनाखत गर्नका लागि आफ्नो मन्जुरीनामा पठाउने स्रोतले जनाएको छ ।