लोकतान्त्रिक समाजवादी पार्टीमा थपिए कार्यकारिणी समिति सदस्य (नामावलीसहित)

काठमाडौं । महन्थ ठाकुर नेतृत्वको लोकतान्त्रिक समाजवादी पार्टी (लोसपा) ले यसअघि प्रस्ताव गरेको जसपा (लोकतान्त्रिक) पार्टीको नाम परिवर्तन गरेसँगै कार्यकारिणी समिति सदस्यपछि थप गरेको छ । 

निर्वाचन आयोगमा विवरण अध्यावधिक गरेर पुनः दल तथाका लागि दिइएको निवेदनमा ७ जना कार्यकारिणी समिति सदस्य थप गरिएको छ । थप गरिएको कार्यकारिणी समिति सदस्यमा सुरिता कुमारी साह, निलम शर्मा, पुष्पा ठाकुर, कमला कुमारी गुरुङ, निलम कुमारी यादव, प्रेमा चौधरी, रुकमीनी कुमारी देवी भण्डल रहेका छन् । 

यसअघि २४ जनाको कार्यकारिणी समिति रहेकोमा त्यस समितिमा महिलाको प्रतिनिधित्व ३३ प्रतिशत नरहेकाले विधान संशोधन गरेर ७ जना महिला सदस्य थपिएको लोसपाले आयोगमा बुझाएको विवरणमा उलेख छ ।