इटहरी । नेकपा एमालेमा आएको विभाजनले केन्द्रसँगै प्रदेश १ को राजनीतिमा पनि तरंग ल्याएको छ । एमाले फुटले यहाँको सरकार नै धरमराउने सम्भावना छ । यद्यपि, अहिलेसम्म कुन पक्षमा कति सांसद छन् भन्ने स्पष्ट छैन ।
कुल ९२ सदस्य रहेको प्रदेश १ प्रदेशसभामा एमालेको ५१ सांसद छन् । तीमध्ये अहिलेसम्म ३ जना सांसद मात्रै माधव नेपालको एमाले समाजवादी पार्टीमा खुलेका छन् । तर, एमाले समाजवादीले भने आफूसँग १५ सांसद रहेको दावी गरिरहेको छ ।
एमाले समाजवादीले दावी गरेअनुसार एमालेबाट १५ सांसद उता गए शेरधन राई नेतृत्वको वर्तमान सरकार ढल्ने निश्चित छ । एमालेले भने जस्तो तीन सांसद मात्रै एमाले समाजवादीमा गए राईको सरकार जोगिन्छ ।
एमालेका प्रमुख सचेतक वुद्धिकुमार राजभन्डारी भन्छन्– मेरो जानकारीमा भएअनुसार एमालेका तीन सांसद नयाँ पार्टीमा गएका छन् । यसले प्रदेश सरकारलाई केही फरक पर्दैन । एमाले समाजवादीबाट मुख्यमन्त्रीको लाइनमा रहेका राजेन्द्र राई भन्छन्– हामीसँग १५ सांसद छन्, राईको सरकार ढाल्न यो संख्या पर्याप्त हो ।
प्रदेश १ को प्रदेशसभामा ९३ सदस्य थिए । माओेवादी केद्रका सांसद टंक आङ्बोहाङ एमाले प्रवेश गरेर अर्थमन्त्री भएर कारवाहीमा परेका छन् । त्यसपछि प्रदेशसभा ९२ सदस्यीय भएको छ ।
प्रदेश १ मा बहुमतका लागि ४७ सांसद चाहिन्छ । यहाँ नेकपा माओवादीका उपसभामुखसहित १५ सांसद छन् । नेपाली कांग्रेसमा २१ सदस्य छन् भने जसपाका ३, राप्रपा र लिम्बुवानमा १र१ सांसद छन् । यो स्थितिमा एमालेका पाँच सांसद एमाले समाजवादीमा गए पनि वर्तमान सरकार ढल्छ ।
प्रतिक्रिया दिनुहोस
सफल खबर संवाददाता
विहीबार, ०३ भदौ २०७८, १७ : ०४
लेखकबाट थप
सम्बन्धित समाचारहरु
मदन भण्डारीको स्मृतिमा राष्ट्रिय खुला म्याराथन हुने
८४ मा एमालेको बहुमत आउने गरी काम गर्न ईश्वर पोखरेलको निर्देशन
पूर्वराष्ट्रपति भण्डारीलाई राष्ट्रिय गौरव पदकबाट सम्मान गर्दै एमाले
अनुमति बिना विदेश नजान सांसदहरूलाई ओलीको निर्देशन
म काँग्रेसमा नयाँ मुना पलाओस् भन्छु, तर मति बिगारिरहन्छ : केपी ओली
एमाले सोलुखुम्बुको अध्यक्षमा बास्तोला निर्वाचित