स्वास्थ्य समस्या जटिल देखिएपछि मुम्बईमा उपचार गराउँदै प्रदीप गिरी, भेट्न विमलेन्द्र निधि जाँदै

काठमाडौं । नेपाली कांग्रेसका नेता प्रदीप गिरी अस्वस्थ भएका छन् । घाँटीमा गम्भीर समस्या देखिएपछि मुम्बईको हिन्दुजा अस्पतालमा उनको उपचार भइरहेको छ । चिकित्सकहरुले क्यान्सरको आशंका गरेर उपचार अगाडि बढाएका छन् ।

उनको उपचारमा अस्पतालका डा. सुल्तान प्रधान नेतृत्वको टिम खटिएको छ । ‘घाँटीमा देखिएको गम्भीर समस्याबारे उपचार भइरहेको छ । क्यान्सरको आशंका छ तर डिक्लियर भइसकेको छैन’, गिरीनिकट स्रोतले भन्यो ।

यसैबीच, गिरीलाई भेट्न नेपाली कांग्रेसका उपसभापति विमलेन्द्र निधि मुम्बई जाने भएका छन् । जनकपुरमा रहेका उनी उतैबाट भारतको दरभंगा हुँदै मुम्बई जानेछन् ।