लुम्बिनी प्रदेश : जसपाले समानुपातिक सांसद कल्पना पाण्डेको ठाँउमा पठायो नयाँ नाम

लुम्बिनी  । लुम्बिनी प्रदेशमा जसपाले समानुपातिक सांसद  कल्पना पाण्डेलाई कारबाही गरेपछि उनको ठाउँमा नयाँ सांसद नियुक्तिको लागि नाम पठाएको छ ।

हिजो बसेको पार्टीको कार्यकारिणी बैठकले रुपन्देहीको सिहारी गाउँपालिका वार्ड ५ बस्ने निर्मला मुडभरी भट्टराईलाई सिफारिस गरेको पूर्व मन्त्री एव जसपाका नेता मोहम्मद ईस्तियाक राइले बताए । उनले भने, ‘हिजो  निर्णय भएको छ । आज निर्वाचन आयोगमा दर्ता पनि भइसक्यो ।’

लुम्बिनी प्रदेशमा जसपा ६ सांसद मध्ये तीन जना कारबाहीमा परेका थिए ।  जसमा सन्तोष  पाण्डे र  विजय बहादुर यादव  प्रत्यक्ष निर्वाचित हुन् । कल्पना पाण्डेय  समानुपातिक सूचीमा परेकी  थिइन् । उनको ठाउँमा पार्टीले निर्मला मुडभरी  भट्टराईलाई पठाएको हो ।