कांग्रेसको महाधिवेसन अझ पर धकेलियो, मंसिर ९ देखि १२ गतेसम्म हुने

काठमाडौं । नेपाली कांग्रेसको १४ औं महाधिवेशन अझ पर धकेलिएको छ । २०७८ मंसिर ९ देखि १२ गतेसम्म महाधिवेसन आयोजना हुने भएको छ । केन्द्रीय कार्य समितिको शनिबार बसेको बैठकले भदौ २३ मा निर्धारित गरिएको महाधिवेशन तीन महिनापछि धकेल्ने निर्णय भएको हो । 

सभापति शेरवहादुर देउवा निवासमा बसेको बैठकले भदौ २ गतेभित्र क्रियाशील सदस्यको अन्तिम नामावली बुझाउने र वडा अधिवेशन भदौ १८ गते गर्ने निर्णय भएको छ ।

स्थानीय तहका अधिवेशन भदौ २७ गते आयोजना गर्ने निर्णय गरेको छ । त्यस्तै प्रदेशसभा क्षेत्रका क्षेत्रीय अधिवेशन असोज १ गते, संघीय निर्वाचन क्षेत्रीय अधिवेशन असोज ५ गते र जिल्ला अधिवेशनहरु असोज १० गते आयोजना हुने भएका छन् ।

प्रदेश अधिवेशन कात्तिक १० र १२ गते आयोजना हुनेछ ।