कांग्रेसले महाधिवेशनको नयाँ कार्यतालिका ल्याउन सकेन

सफल खबर संवाददाता

विहीबार, २८ साउन २०७८, १८ : ०८
कांग्रेसले महाधिवेशनको नयाँ कार्यतालिका ल्याउन सकेन

काठमाडौं । नेपाली कांग्रेसले महाधिवेशनको नयाँ कार्यतालिका ल्याउन सकेको छैन । केन्द्रीय सदस्यहरुको सुझावपछि मात्रै महाधिवेशनको नयाँ कार्यतालिका ल्याउने भएको छ । महाधिवेशन कार्यतालिकाका बारेमा शीर्ष नेताहरुबीच निरन्तर छलफल भएपनि सहमति जुट्न नसक्दा नयाँ कार्यतालिका आउन सकेन । 

CG Developers Tansen Cement box

बिहीबार केन्द्रीय समिति बैठक बस्नुअघि शीर्ष नेताहरुबीच महाधिवेशनको नयाँ कार्यतालिकाका विषयमा छलफल भएको थियो । कांग्रेस केन्द्रीय कार्यसमिति बैठक अहिले सभापति शेरबहादुर देउवाको निजी निवास बुढानिलकण्ठमा जारी छ ।

भदौ १६–१९ सम्म निर्धारित कार्यतालिकामा महाधिवेशन नहुने भएपछि कांग्रेसमा नयाँ कार्यतालिकाका बारेमा शीर्ष तहमा छलफल भइरहेको छ । कांग्रेस सभापति देउवा निर्धारित मितिमा महाधिवेशन नहुने भएपछि नयाँ कार्यतालिका ल्याउनुपर्ने पक्षमा छन् भने वरिष्ठ नेता रामचन्द्र पौडेलले भने क्रियाशील सदस्यता विवाद नटुंग्याएसम्म कार्यतालिका ल्याउन नहुने अडानमा छन् ।

प्रतिक्रिया दिनुहोस