जसपा आधिकारिकता विवाद

रेशम चौधरीको हेडकाउन्ट जेलभित्रैबाट

सफल खबर संवाददाता

सोमबार, ११ साउन २०७८, १० : ३९
रेशम चौधरीको हेडकाउन्ट जेलभित्रैबाट

काठमाडौं । जनता समाजवादीको आधिकारिता विवादमा निर्वाचन आयोगले आज केन्द्रीय कार्यकारिणी समिति र संघीय संसदका सदस्यहरुको हेडकाउन्ट गर्न लागेको छ ।

CG Developers Tansen Cement box

आयोगले प्रमुख निर्वाचन आयुक्त दिनेशचन्द्र थपलियाको अध्यक्षतामा गठन गरेको इजालसले यस सम्वन्धी विवादमा साउन ३ गते देखि निरन्तर सुनवाई गर्दै आएको थियो । आज उसले ५१ सदस्यीय केन्द्रीय कार्यकारिणी समिति सदस्य र सांसदहरुको हेडकाउन्ट गर्न लागेको हो ।सोही कारण जेलमा रहेका निलम्बित सांसद रेशम चौधरीको हेडकाउन्टका लागि भने निर्वाचन आयोगका पदाधिकारी डिल्लीबजारस्थित सदरखोर नै जाने भएका छन् ।

अहिले ११ बजे आयोगले कार्यकरिणी समिति र सांसदहरुलाई आयोगमा नागरिकता सहित आउन भनेको थियो । आयोगले हेडकाउन्ट गर्ने भएपछि अल्पमतमा रहेका महन्थ ठाकुर पक्ष हेडकाउन्ट रोक्न माग गर्दै सर्वोच्च अदालत पुगेका थिए । तर अदालतले महन्थको माग अनुसार अन्तरिम आदेश नदिएपछि हेडकाउन्टका लागि बाटो खुलेको थियो ।

त्यसपछि आज आयोगले कुन नेता कुन पक्षमा छन् भनेर टाउको गन्न लागेको हो । त्यही क्रममा कैलाली घटनाको दोषी करार भई जेलमा रहेका रेशम चौधरीको पनि हेडकाउन्ट गर्न आयोगले लागेको हो । आयोगका प्रवक्ता राजकुमार श्रेष्ठका अनुसार आयोगका पदाधिकारीले जेलमै पुगेर चौधरीको हेडकाउन्ट गर्ने तयारी गरेका हुन् ।

प्रतिक्रिया दिनुहोस