फिल्मकर्मीले भेटे प्रधानमन्त्री देउवालाई, केके दिए आश्वासन ?

काठमाडौं ।  प्रधानमन्त्री निवास बालुवाटारमा पुगेर फिल्मकर्मीहरुले प्रधानमन्त्री शेरबहादुर देउवालाई भेटघाट गरेका छन् ।

फिल्मकर्मीहरुले प्रधानमन्त्री देउवालाई फिल्म क्षेत्रलाई राहत व्यवस्थासँगै कोरोना खोपको व्यवस्था गर्न पनि माग गरेका थिए । प्रधानमन्त्री शेरबहादुर देउवाले कोरोना महामारीले प्रभावित फिल्म क्षेत्रलाई सघाउन सरकारले राहत कार्यक्रम ल्याउने आश्वासन दिएका छन् । 
कांग्रेस निकट सांस्कृतिक संघले बालुवाटारमा बिहीबार आयोजना गरेको कार्यक्रममा देउवाले कोरोनाले प्रभावित कला र फिल्म क्षेत्रलाई सघाउन सरकारले राहत कार्यक्रमसँगसँगै खोपको व्यवस्था गर्ने वचन पनि दिए ।