चितवन । अविरल वर्षाका कारण पुर्व–पश्चिम राजमार्ग अन्तर्गत चितवनमा रहेको एक पक्की पुल भत्काएको छ । पुर्वी चितवनको खैरहनी र राप्तीको सिमामा पर्ने लदरी खोलामा आएको बाढीले धुसरी पक्की पुल भत्काएको हो । पुल भत्किदा अहिले आवतजावत ठप्प भएको छ ।
जिल्ला प्रहरी कार्यालय चितवनका अनुसार उक्त पुल १० बजे तिर खोलाले भत्काएको हो । अहिले लदरी खोलो पूर्वपश्चिम राजमार्गमा हुदैं बस्तीतर्फ छिर्न थालेपछि स्थानीय त्रसित भएका छन्।
लगातारको वर्षाले यहाँका राप्ती, बुढीराप्ती, लदरी, कयर र लोथर खोलामा बाढी आउँदा पूर्वी चितवनको जनजीवन प्रभावित बन्न थालेको छ।बुढी राप्ती खोलामा आएको बाढीले सौराहा र आसपासका क्षेत्र प्रभावित बनेका छन् ।
खोलोले रत्ननगर ८ बाघमारास्थित रमाइलो बस्तीका २१ घर डुबानमा परेका छन्। त्यहाँका स्थानीयलाई सुरक्षित स्थानमा सारिएको छ। यस्तै, रतननगर ७ का मैनाहा र मालपुरमा पनि बाढी पसेको छ।
प्रतिक्रिया दिनुहोस
सफल खबर संवाददाता
विहीबार, १७ असार २०७८, ११ : २७
लेखकबाट थप
सम्बन्धित समाचारहरु
६ वर्षपछि सुनवालुवा पक्की पुल निर्माण पुनः थालियो
तारा खोलामा पक्की पुलकाे अभाव
झुलाघाटमा पक्की पुल बन्ने निर्णयले बैतडीमा खुसियाली
नदी तर्न शुल्क तिर्ने लालझाडीवासी भन्छन्– पक्की पुल कहिले ?
भेरी नदीमा पक्की पुलको विकल्पमा बेलिब्रिज निर्माण गरिने