सवारी दुर्घटनामा परि त्रिभुवन विश्वविद्यालयका सहप्राध्यापक भण्डारीको मृत्यु

बुटवल । रूपन्देहीको देवदहमा सवारी दुर्घटनामा परि त्रिभुवन विश्वविद्यालय खेलकूद निर्देशनालयका निर्देशक सहप्राध्यापक शंकर भण्डारीको निधन भएको छ । दुर्घटनामा परे लगत्तै उपचारका लागि अस्पताल पु¥याए लगत्तै उनको मृत्यु भएको थियो । 

रूपन्देहीको तिलोत्तमा वडा नम्बर २ योगिकुटीका ५२ वर्षीय भण्डारी नेपाली कांग्रेसका केन्द्रीय सदस्य चन्द्र भण्डारीका भाइ हुन् । रूपन्देही देवदह वडा नम्बर १० चरङ्गेबाट बुटवलतर्फ आउँदै गर्दा आफैँले चलाएको बा १७ च ६०६६ नम्बरको कार दुर्घटना परेको प्रहरीले जनाएको छ । 

उनले चलाएको कार सडक छेउको कल्भर्टमा ठक्कर खाएर पानी तालिएको रहमा खसेको थियो। मंगलबार बेलुकी करिब साढे ८ बजेतिर उक्त दुर्घटना भएको थियो । दुर्घटनालगत्तै उनलाई बुटवलस्थित गौतमबुद्ध सामुदायिक मुटु अस्पताल लगे पनि चिकित्सकहरूले मृत घोषणा गरेका थिए।