सेयर बजारमा हरियाली,नेप्से परिसुचक ६५.७ अंकले बढ्यो

काठमाडौं । शेयर बजार परिसुचक नेप्सेमा लगातार गिरावटपछि मंगलबार कारोबार समय सुरु भएदेखि हरियाली छाएको छ।

नेप्सेसहित सम्पूर्ण समूहका सूचकहरु सुधार भएका छन्। नेप्से ६५.७ अंकले बढेको छ। नेप्से २ हजार ९ सय दशमलब एक विन्दुमा पुगेको छ। यसअघि आइतबार र सोमबार दुई दिनमा नेप्से एक सय ३४ अंकले घटेको थियो।

मंगलबार सबै समूहका सूचकहरुमा हरियाली छ। फाइनान्स, जलविधुत् र होटल तथा पर्यटन समूहको सुचक समान ४ प्रतिशतभन्दा बढीले बढेको छ।