कास्की । कांग्रेसले अर्थ मन्त्रालय आफैं राख्न खोजेपछि गण्डकी प्रदेशमा सरकार बनाउँदाको गठबन्धनमा दरार आएको छ। दुई सांसद भएको जसपासँग कांग्रेसले अर्थ मन्त्रालयसहित दुई मन्त्रालय दिने सहमति गरेको थियो । तर जसपाले शुक्रबार विश्वासको मत लिएपछि कांग्रेसले सहमति तोडेको आरोप लगाएको छ ।
जनता समाजवादी पार्टीले सहमति अनुसार मन्त्रालय नपाए सरकारलाई दिएको समर्थन फिर्ता लिनेसम्मको चेतावनी दिएको छ। २ सभासद भएको जसपासँग कांग्रेसले अर्थसहित २ मन्त्री दिने सहमति गरेको थियो। जसपाले अडान नछाडेपछि गण्डकी सरकारको मन्त्रीपरिषद् विस्तार र जिम्मेवारी बाँडफाँडको लागि बसेको बैठक निस्कर्षविहीन बनेको छ।
जसपाले शुक्रबार विश्वासको मत लिएपछि कांग्रेसले सहमति तोडेको आरोप लगाएको छ। कांग्रेसले चाहिँ जसपाको आफैँ सर्वेसर्वा हुँ भन्ने व्यवहारले अर्को ठूलो घटक माओवादीको मन दुखाउने काम भएको गुनासो गरेको छ।
माओवादी केन्द्रले पनि अर्थ मन्त्रालयमा दावी गर्दै आएको छ। तर, भौतिक पुर्वाधार भए पनि माओवादी चित्त बुझाउने पक्षमा रहेको स्रोतले जनाएको छ। तर भौतिकमा स्वतन्त्र सांसद दीपक मनाङेको पनि दावीले मुख्यमन्त्री कृष्णचन्द्र नेपाली अप्ठ्यारोमा परेका छन्।
गण्डकीमा ११ वटा मन्त्रालयमध्ये कांग्रेस र माओवादी केन्द्रले ४/४ जसपा २ र एउटा मन्त्रालय मनाङेलाई दिने सहमति छ। २ सिट भएको र गठबन्धनलाई सघाएको जनमोर्चाले भने सरकारमा नजाने घोषणा गरिसकेको छ।
प्रतिक्रिया दिनुहोस
सफल खबर संवाददाता
आइतबार, ०६ असार २०७८, १३ : १०
लेखकबाट थप
सम्बन्धित समाचारहरु
गण्डकीका मुख्यमन्त्री अधिकारीको नियुक्तिविरुद्धको रिटको सुनुवाई 'हेर्दाहेर्दै' मा
गण्डकीमा चुमानलाई अर्थ र मनाङेलाई पूर्वाधार मन्त्रालयको जिम्मेवारी
गण्डकीका मुख्यमन्त्रीले भेटे प्रधानमन्त्री
गण्डकी सरकारविरुद्धको रिटमाथि न्यायाधीश विनोद शर्माको इजलासमा सुनुवाइ हुँदै
गण्डकीको मुख्यमन्त्रीमा खगराज अधिकारी नियुक्त
मुख्यमन्त्रीमा अधिकारीको दाबी पेस, सभामुख र दीपक मनाङेको पनि समर्थन