काठमाडौँ । नेपाली कांग्रेसका सभापति शेरबहादुर देउवाले भोलि शनिबार दिउँसो २ बजे पार्टी पदाधिकारी बैठक बोलाएका छन्। आफ्नै निवास बुढानिलकण्ठमा देउवाले बैठक बोलाएका हुन्। कांग्रेसको भदौमा हुने महाधिवेसन र पछिल्लो राजनीतिक घटना क्रमबारे छलफल गर्न देउवाले पदाधिकारी बैठक बोलाएका हुन् ।
देउवाको नियमित कार्यकाल सकेर थप गरेको डेढ वर्ष समय पनि भदौमा सकिँदैछ। पार्टीलाई संकटमा जानबाट बचाउन भदौमै महाधिवेशन गर्नुपर्ने बाध्यता कांग्रेसलाई छ। देउवा पार्टीलाई बचाउन जसरी पनि महाधिवेशन गर्न चाहेका छन् । कांग्रेसले भदौ ७ देखि १० सम्म काठमाडौंमा महाधिवेशन गर्ने भनेको छ। क्रियाशील सदस्यता वितरण तथा नवीकरणका काम केही जिल्लामा सकिएका छैनन्।
१४ औं महाधिवेशन तथा समसामयिक राजनीतिक घटनाक्रमबारे छलफल गर्न पार्टी पदाधिकारी बैठक बोलाइएको हो । १० लाख क्रियाशील सदस्य बनाउने भनेको कांग्रेसमा अहिलेसम्म करिब ८ लाख क्रियाशील सदस्य बनिसकेका छन्। सिन्धुपाल्चोक लगायत केही जिल्लामा क्रियाशील सदस्यता वितरण भएको छैन।
प्रतिक्रिया दिनुहोस
सफल खबर संवाददाता
शुक्रबार, २८ जेठ २०७८, १६ : ३४
लेखकबाट थप
सम्बन्धित समाचारहरु
नयाँ वर्षको अवसरमा देउवा निवासमा चियापान
इद–उल–फित्र पर्वले नेपाली समाजमा धार्मिक सहिष्णुता र सद्भावना बढाउँदै आएको छ: देउवा
बालुवाटारमा प्रचण्ड, देउवा र ओलीबीच भेटवार्ता
देउवाले बोलाए इलाम-२ मा नाम सिफारिस भएका पार्टी नेता
देउवाले बोलाए कार्यसम्पादन समितिको बैठक
देउवा-नेपाल भेट : सहकार्यका लागि देउवाको प्रस्ताव, छलफल सकारात्मक