राष्ट्रपति भण्डारी र प्रधानमन्त्री ओली बिच गए राति भेटघाट, के भयो त छलफल ?

काठमाडौं । राष्ट्रपति विद्यादेवी भण्डारी र प्रधानमन्त्री केपी शर्मा ओली बिच गए राति शीतल निवासमा भेटघाट भएको छ । प्रधानमन्त्री ओली नियमित छलफल र भेटघाटका लागि शीतल निवास पुगेको प्रधानमन्त्रीका प्रेस विज्ञ रामशरण बजगाईले बताए ।

उनका अनुसार राष्ट्रपतिसँग प्रधानमन्त्रीको नियमित भेटघाट भएको हो । सरकारले गरेको कामकाजबारे राष्ट्रपतिलाई जानकारी गराउनु तथा समसामयिक विषयमा परामर्श गर्नु प्रधानमन्त्रीको कर्तव्य भित्र पर्छ ।

पछिल्लो समय नेपालको राजनीति पेचिलो बन्दै गएका बेला प्रधानमन्त्री ओलीले राष्ट्रपति भण्डारीसँग परामर्श गर्नु, भेटघाट गर्नु सामान्य कुरा भएको बालुवाटार स्रोतको भनाई छ । राष्ट्रपति भण्डारी भेट्न प्रधानमन्त्री ओलीबीच हिजो अपरान्ह साढे सात बजे शीतलनिवासमा पुगेका थिए ।