काठमाडौं । स्वतन्त्र ऊर्जा उत्पादकहरूको संस्था (इपान) ले गठन गरेको कम्पनीले सरकारले कानुनी व्यवस्था नभएको भन्दै विद्युत् व्यापारका लागि अनुमतिपत्र (लाइसेन्स) दिन अस्वीकार गरेको २१ महिनापछि पुनः आवेदन दिएको छ ।
नेपाल विद्युत् प्राधिकरणको विद्युत् व्यापार कम्पनी र निजी प्रवद्र्धकहरूको नेपाल पावर एक्सचेन्ज लिमिटेड (नेपेक्स) लाई कानुनी व्यवस्था नभएको भन्दै अस्वीकार गरेको सरकारले नेपाल पूर्वाधार विकास बैंक (निफ्रा) लाई अनुमतिपत्र दिने तयारी गरेपछि पुनः आवेदन दिएको हो ।
निफ्राले पावर टे«डिङ कम्पनी नेपाल दर्ताका लागि प्रकृया अघि बढाएको छ भने ऊर्जा, जलस्रोत तथा सिँचाइ मन्त्रालयले यसको प्रकृया अघि बढाएको छ । तर विगतमा प्राधिकरण र नेपेक्स दुवैको प्रकृया अघि बढाउन अस्वीकार गरेको थियो ।
नेपेक्सले ८ असार २०७६ मा विद्युत् निर्यातका लागि अनुमतिपत्र माग्दै आवेदन दिएकोमा २०७६ भदौ ९ मा अनुमतिपत्र दिन अस्वीकार गरेको थियो । कानुनी व्यवस्था नभएको भन्दै अनुमतिपत्र दिन अस्वीकार गरेको त्यही सरकारले निफ्राका लागि भने प्रकृया अघि बढाएर मन्त्रिपरिषद्मार्फत निर्णय गर्ने प्रकृयामा छ ।
सरकारले अन्य कम्पनीलाई पनि विद्युत् व्यापारका लागि अनुमतिपत्र दिने प्रकृया अघि बढाएकाले यसका लागि पहिलोपटक आवेदन दिने नेपेक्सले ऊर्जा मन्त्रालयमा पुनः आवेदन दिएको इपानका उपाध्यक्ष आशिष गर्गले जानकारी दिए । कारोबारमा खबर छ ।
प्रतिक्रिया दिनुहोस
सफल खबर संवाददाता
शुक्रबार, २१ जेठ २०७८, ०८ : ०८
लेखकबाट थप
सम्बन्धित समाचारहरु
मार्कीचोक–नयाँ भरतपुर २२० केभी प्रसारण लाइन निर्माणको कामलाई तीव्रता दिन निर्देशन
ऊर्जा क्षेत्रमा सहायता बढाउन अन्तर्राष्ट्रिय समुदायलाई विद्युत प्राधिकरणको आग्रह
विद्युत प्राधिकरणको नाफा १५ अर्ब ३६ करोड
१० मेगावाट क्षमताका ८९ वटा आयोजनासँग पीपीए गर्ने निर्णय
बक्यौता विवाद: उद्योगहरूमा काटिएको बिजुलीको लाइन जोडिदिने प्राधिकरणको निर्णय
उद्योगहरुको काटिएको विद्युत लाइन जोड्ने प्राधिकरणको निर्णय