जसपाका नेता रामप्रकाश चौधरीको कोरोना संक्रमणबाट मृत्यु

कपिलवस्तु ।  जनता समाजवादी पार्टीका नेता रामप्रकाश चौधरीको मृत्यु भएको छ ।

विजयनगर गाउँपालिका–७, निवासी ४५ वर्षे चौधरीको गए राति भारतको लखनउस्थित सहारा अस्पतालमा उपचारका क्रममा उपचारकै क्रममा मृत्यु भएको पार्टीका केन्द्रीय सदस्य रविदत्त मिश्राले बताए । उनी तत्कालीन राष्ट्रिय जनता पार्टीका केन्द्रीय सदस्य थिए ।

एक महिनाअघि कोरोना संक्रमित भई कपिलवस्तु जिल्ला अस्पतालमा उनको उपचार भइरहेको थियो । पीसीआर रिपोर्ट नेगेटिभ आए पनि उनको स्वास्थ्यमा सुधार आउन सकेको थिएन् । थप उपचारका लागि परिवारले भारतको लखउन लगेको थियो । त्यहाँ अस्पतालमा कोरोना परीक्षण गर्दा पुनः पोजिटिभ देखिएको थियो । उनका दुई छोरा, एक छोरी र श्रीमती छन् ।