भारतमा कोरोना संक्रमण ओरालो लाग्दै, मृत्यु दर भने घट्न सकेन्

काठमाडौं । कोरोनाको हटस्पट बनेको भारतमा कोरोना संक्रमण पछिल्ला केही दिन यता ओरालो लाग्न थालेको छ । पछिल्लो २४ घण्टामा १ लाख ७९ हजार ७७० जना नयाँ संक्रमित थपिएका छन् । अघिल्लो दिन यो सख्या २ लाख ११ हजारभन्दा बढी थियो । 

भारतमा कोरोना संक्रमितको संख्या २ करोड ७५ लाख नाघेको छ । नयाँ संक्रमितको संख्या केही घटे पनि दैनिक मृतकको संख्या भने घट्न सकेको छैन। भारतमा पछिल्लो २४ घण्टामा ३५ सय ५८ को मृत्यु भएको छ ।

यो योसँगै कोरोना संक्रमणकै कारण भारतमा मृत्यु हुनेको कुल संख्या ३ लाख १८ हजार नाघेको छ। संक्रमितमध्ये २ करोड ४८ लाखभन्दा बढी निको भइसकेका छन् भने २३ लाखभन्दा बढी सक्रिय संक्रमित रहेका छन्।