पूर्व सभामुखहरुसँग परामर्श गर्दै सभामुख अग्नि सापकोटा

काठमाडौं । प्रतिनिधिसभाका सभामुख अग्निप्रसाद सापकोटाले संसद विघटनपछिको अवस्थाको बारेमा परामर्श गर्न पूर्व सभामुखहरुसँग परामर्श गर्न भएका छन् ।

(आज) मंगलबार दिउँसो १ बजे संसद भवन नयाँबानेश्वरमा बोलाइएको बैठकमा पूर्वसभामुखहरुसँग पछिल्लो राजनीतिक घटनाक्रमबारे छलफल गर्न लागिएको सभामुखका प्रेस सल्लाहकार श्रीधर न्यौपानेले जानकारी दिए ।

गत शुक्रबार राति राष्ट्रपति विद्यादेवी भण्डारीले सरकारको सिफारिशमा प्रतिनिधिसभा भंग गरेर मध्यावधि चुनावको मिति घोषणा गरेपछि सभामुख सापकोटाले शीर्ष नेता एवं संविधानविद्हरुसँग परामर्श गरी यो कदमको विरोध गरेका थिए ।

प्रतिनिधि सभा पुनःस्थापनाको माग गर्दै विपक्षी गठबन्धनका १४६ सांसदले सोमबार सर्वोच्च अदालतमा रिट निवेदन दर्ता गराएका छन् । रिटमा कांग्रेस सभापति शेरबहादुर देउवालाई बहुमत दाबीअनुसार प्रधानमन्त्रीमा नियुक्त गर्नका लागि परमादेश माग गरिएको छ ।