माधव नेपाल प्रतिपक्ष दलहरुको बैठकमा सहभागी हुन पुगे देउवा निवास

काठमाडौं । एमालेका नेता माधवकुमार नेपाल प्रतिपक्ष दलहरुको बैठकमा सहभागी हुने बुढानिलकण्ठ स्थित काँग्रेस सभापति शेरबहादुर देउवा निवास पुगेका छन् । 

देउवा निवासमा राष्ट्रपति विद्या भण्डारी र प्रधानमन्त्री केपी ओलीले चालेको कदम विरुद्धको छलफलमा सहभागी हुन उनी त्यहाँ पुगेका हुन् । काँग्रेस सभापति शेरबहादुर देउवाले सर्वदलिय बैठक बोलाएपछि नेता नेपाल छलफलका लागि बूढानीलकण्ठ पुगेका हुन् । माओवादी केन्द्रका अध्यक्ष प्रचण्ड बूढानीलकण्ठ पुगिसकेका  छन् ।

राष्ट्रपतिले नयाँ सरकार गठनका लागि गरेको आव्हानपछि अब कसरी अघि बढ्ने भन्नेबारे छलफलका लागि प्रचण्डसहित माधव नेपाल र  उपेन्द्र यादव सहितका नेतालाई बोलाईएको छ ।