नवलपरासीमा सशस्त्र प्रहरीको गोलि लागेर एकजना युवा घाइते

परासी । पश्चिम नवलपरासीमा सशस्त्र प्रहरीको गोलि लागेर एकजना युवा घाइते भएका छन। जिल्लाको प्रतापपुर गाउँपालिका ६ बन्कट्टी घोला स्थिति सिमामा सुरक्षार्थ खटिएका शसस्त्र प्रहरीले आफ्नो बचाउमा गोली चलाउदा एकजना युवाको खुट्टामा गोली लागेर घाइते भएका हुन। 

शसस्त्र प्रहरीले डिफेन्समा गोलि चलाउदा प्रतापपुर गाउँपालिका वडा नं. ६ कठहवा बर्ने २२  बर्षिय युवक अविनाश राजभरको खुट्टामा लागेर उनि गम्भिर घाइते भएका हुन  । उनको उपचारका लागि उनका आफन्तले शहिद स्मृती सामुदायीक अस्पताल चौपता लगेको परिवार स्रोतले जनाएको छ । 

बनकट्टीको उक्त घोलाको अबैध नाकाबाटो आज बिहान ९ बजेतिर २ जना युवक भारततर्फ सरसामान लिन जान खोज्दा सिमामा खटिएका सशस्त्र प्रहरीटोलीले रोकेका थिए। 

ती युवाहरु जान नपाएपछि शसस्त्र प्रहरीहरु सङ भनाभन गर्दै कठहवा गाउँबाट ५०/६० जनाको हुल लिएर आयेर ड्युटीमा खटिएका शसस्त्र प्रहरी र उनीहरुको अस्थायी पोस्टमाथी आक्रमण गर्दा शसस्त्र प्रहरीका जवानहरुले डिफेन्समा ६ राउन्ड गोलि हवाई फायर गरेका हुन जसमध्ये एक गोली घाइते राजभरको खुट्टामा लागेको प्रत्यक्षदर्शिहरुले जानकारी दिएका छन। 

गोलि चल्नु अघि स्थानिय र शसस्त्र प्रहरीबीच केही समय झडप पनि भएको थियो। 

यता शसस्त्र प्रहरी उपरीक्षक महेश अधिकारीले स्थानीय ५०/६० जना आएर ड्युटीमा खटिएका शसस्त्र प्रहरी र पोस्ट माथी ढुंगामुढा गरेकाले शसस्त्र प्रहरी भिडलाइ तितर बितर पार्न केही राउन्ड हवाइ फायर गरेको र घटना थप अनुसन्धान भैरहेको जानकारी दिए। स्थानीयको झडपमा एकजना सशस्त्र प्रहरी पनि घाइते भएको बताइएको छ। 

यो घटनाको प्रारम्भिक जानकारी रहेको र घट्नाको वास्तविक कारण र थप बिवरण अझै आउन बाकी नै रहेको प्रहरीले जनाएको छ ।