मन्त्रिपरिषद् बैठक छोडेर प्रधानमन्त्री केपी ओली गए राष्ट्रपति भेट्न, संसदबाट विश्वासको मत लिने तयारी

काठमाडौं । प्रधानमन्त्री केपी शर्मा ओली मन्त्रिपरिषद् बैठक जारी रहेकै बेला राष्ट्रपति विद्यादेवी भण्डारीलाई भेट्न गएका छन् । श्रोतका अनुसार ओलीले संसदबाट विश्वासको मत लिने तयारी गरेका छन् ।

प्रधानमन्त्री निवास बालुवाटारमा जारी मन्त्रिपरिषद् बैठकमा ओलीले आफूले विश्वासको मत लिने जानकारी गराएका हुन् । बैठक चलिरहेकै अवस्थामा ओली राष्ट्रपति विद्यादेवी भण्डारीलाई भेट्न शीतल निवासतर्फ गएको मन्त्रिपरिषद् स्रोतले बताएको छ ।

यहि वैशाख २७ गते संसदबाट विश्वासको मत लिने तयारीमा प्रधानमन्त्री ओली रहेको श्रोतको भनाई छ ।