एमाले नेता खनाललाई संक्रमण पुष्टि, अस्पतालमा भर्ना

काठमाडौं । नेकपा एमाले नेता झलनाथ खनाललाई श्वासप्रश्वासमा समस्या देखिएको छ । नेकपा एमालेका एक नेताका अनुुसार यसअघि नै खनाललाई अस्पताल भर्ना गरिएको छ ।

उनलाई कोरोनाभाइरस संक्रमणसँग सम्बन्धित लक्षण देखिएपछि अस्पताल भर्ना गरिएको हो । स्रोतका अनुसार उनलाई कोरोनाभाइरस संक्रमण पुष्टि भएको छ । 

खनाललाई मनमोहन मेमोरियल अस्पताल भर्ना गरिएको जनाइएको छ । अस्पताल स्रोतका अनुसार खनालको अवस्था गम्भीर रहेको हुँदा नर्भिक अस्पताल पठाउन तयारी भइरहेको छ।

यस्तै एमाले नेता एवं पूर्वमन्त्री मोदनाथ प्रश्रितलाई पनि कोरोना संक्रमण भएको छ। उनको पनि मनमोहनमै उपचार भइरहेको अस्पताल स्रोतले जानकारी दिएको छ।