भारतको पछिल्लो २४ घंटामा कोरोना संक्रमितको संख्या ४ लाख नाघ्यो, ३५ सय बढीको मृत्यु

एजेन्सी । कोरोना संक्रमणमा दिनप्रति दिन रेकर्ड बनाएको भारतमा पछिल्लो २४ घंटामा पहिलो पटक ४ लाख बढीमा संक्रमण देखिएको छ । भारतमा एकहप्ता यता संक्रमितको संख्या ३ लाख बढी देखिएपनि ४ लाखको आँकडा पार गरेको पहिलो पटक हो । 

पछिल्लो २४ घण्टामा ४ लाख २ हजार ११० जनामा संक्रमण पुष्टि भएको छ । पछिल्लो वृद्धिसँगै भारतमा संक्रमितको संख्या १ करोड ९१ लाख ५७ हजार ९४ पुगेको छ ।

भारतमा हालसम्म१ करोड ५६ लाख ७३ हजार ३ जना संक्रमणमुक्त भएका छन् । अब भारतमा सक्रिय संक्रमितको संख्या ३२ लाख ७२ हजार २५६ छ । यस्तै त्यहाँ एकैदिन ३५ सय २२ संक्रमितको मृत्यु भएको छ ।

दोस्रो लहरको संक्रमण बढ्दै जाँदा भारतमा मृतक संख्या पनि दिनदिनै बढ्दो क्रममा छ । पछिल्लो विवरणसँगै भारतमा मृतकको संख्या २ लाख ११ हजार ८३५ पुगेको छ ।