माधव नेपाल समुहका २७ जना सांसदको पद खारेजी हुने प्रक्रियाको रिट हेर्न नभ्याइनेमा

सफल खबर संवाददाता

आइतबार, १२ बैशाख २०७८, १६ : १९
माधव नेपाल समुहका २७ जना सांसदको पद खारेजी हुने प्रक्रियाको रिट हेर्न नभ्याइनेमा

काठमाडौं । नेकपा एमालेका माधव नेपाल समुहको २७ जना सांसदको पद खारेजी हुने प्रक्रिया खारेजीको माग गर्दै सर्वोच्चमा दायर गरेको रिट आज हेर्न नभ्याइनेमा परेको छ ।

न्यायाधीश प्रकाश ढुंगानाको एकल इजलासमा उक्त रिटउपर आइतबार सुनुवाइ तोकिएको हो । आफूहरूसहित २७ जना सांसदको पद खारेजी हुने प्रक्रिया रोक्न र पुनःस्थापित एमालेको केन्द्रीय कमिटी बैठक बोलाउने अन्तरिम आदेश माग माधवकुमार नेपाल, सुरेन्द्र पाण्डे, घनश्याम भुसाल र भीम रावलको तर्फबाट १४ बुँदे मागसहितको संयुक्त रिट दायर गरिएको थियो ।

रिट निवेदकले आफूहरूमाथि गर्न लागिएको निष्कासनको कारवाही उत्प्रेषण, प्रतिशोधको भएकोले आदेशद्वारा बदर तथा रोक्का गरिपाउँ भनिएको छ । ती नेताहरूले निर्वाचन आयोगमा कायम रहेको एमालेका अभिलेख र विवरणमा कुनै परिवर्तन नगर्नु नगराउनु भन्ने परमादेश आयोगका नाममा समेत जारी हुनुपर्ने माग गरेका छन् ।

प्रतिक्रिया दिनुहोस