नवलपरासीमा जिप दुर्घटना हुँदा एक जनाको मृत्यु, तीनजना घाइते

नवलपुर । नवलपरासी (बर्दघाट सुस्ता पूर्व) को बुलिङटार–६ मा जिप दुर्घटना हुँदा एकजनाको मृत्यु भएको छ भने तीनजना गम्भीर घाइते भएका छन् । लु १ ज ३७१० नम्बरको जिप शुक्रबार बुलिङटारबाट दलदले आउँदै  गरेको अवस्थामा दुर्घटना भएको हो ।

जिल्ला प्रहरी कार्यालयका प्रहरी नायव उपरीक्षक दीलिपकुमार गिरीका अनुसार मृत्यु हुनेमा पाल्पाको रामपुर नगरपालिका–४ का  २३ वर्षीय अजय विक हुन् । गम्भीर घाइतेलाई उपचारका लागि दलदलेतर्फ पठाइएको र सामान्य घाइतेलाई स्थानीय अस्पतालमा उपचार भइरहेको प्रहरीको भनाइ छ ।

दुर्घटनामा संलग्न चालकलाई प्रहरीले नियन्त्रणमा लिएको छ ।  जिप सडकबाट करिव ५० मिटर तल खसेको छ ।