भारतमा कोरोना संक्रमण भयावह : २४ घंटामा २ लाख ९५ हजार संक्रमित, दुई हजार बढीको मृत्यु

एजेन्सी । भारतमा पछिल्लो केही समय यता तीव्र गतिमा फैलिरहेको कोरोना संक्रमणले निरन्तरता नै पाईरहेको छ । संक्रमणको कडी तोड्न राज्य देखि केन्द्रिय सरकारले विभिन्न प्रयास जारी राखेपनि  संक्रमणको ग्राफ उकालो नै लागिरहेको छ । 

भारतीय संचारमाध्यमहरुका अनुसार पछिल्लो २४ घण्टामा भारतमा २ लाख ९५ हजार ४१ जनामा कोरोना संक्रमण भएको छ । भने सोही अवधीमा २ हजार २३ जना कोरोना संक्रमितको मृत्यु भएको छ ।

भारतमा हालसम्म कोरोनाका कारण ज्यान गुमाउनेको संख्या १ लाख ८२ हजार ५ सय ५३ पुगेको छ । कोरोना संक्रमितको संख्या १ करोड ५६ लाख १६ हजार १सय ३० पुगेको तथ्यांक छ ।