कर्णालीमा फ्लोर क्रस गर्नुको कारणबारे माधव नेपालको यस्तो खुलासा...

सफल खबर संवाददाता

सोमबार, ०६ बैशाख २०७८, ०७ : ३९
कर्णालीमा फ्लोर क्रस गर्नुको कारणबारे माधव नेपालको यस्तो खुलासा...

काठमाडौं । एमाले नेता माधव कुमार नेपााले प्रधानमन्त्री केपी शर्मा ओली पक्षले कर्णालीमा राजनीतिक भविष्य सिध्याइदिन्छु  भन्ने धम्की दिएकाले उसैलाई सिध्याइदिएको बताएका छन् । 

आफू पक्षीय नेता कार्यकर्तालाई आइतबार काभ्रेको बनेपामा सम्बोधन गर्दै नेता नेपालले ओलीको शैलीका कारण यस्तो नतिजा आएको पनि दावी गरे ।  ‘कर्णालीमा म हुँ प्रदेश प्रमुख, मुख्यमन्त्री म बन्दैछु, मैले भनेको आदेश नमान्ने हो भने सबैको राजनीतिक भविष्य सिध्याइदिन्छु भनेपछि मर्ता क्या नै कर्ता भनेजस्तो उसैलाई सिध्याइदिए, अहिले उनको बिजोग भएको छ’, उनले भने, ‘म अल्पमतमा पर्ने गल्ती गर्दिनँ, म बहुमत हुँ ।

मेरो आदेश पालना गर्नुपर्छ भन्ने सोचका कारण हो । ओलीलाई संगठन, विधि चाहिएको छैन।’ कर्णाली प्रदेशका मुख्यमन्त्री महेन्द्र बहादुर शाहीले विश्वासको मत लिने क्रममा नेपाल पक्षका ४ सांसदले फ्लोर क्रस गरेका थिए । कान्तिपुर दैनिकमा खबर छापिएको छ ।

प्रतिक्रिया दिनुहोस