लहानको मालपोतमा विस्फोट गराउने दुई आरोपी पक्राउ

लहान । सिराहा प्रहरीले लहानस्थित मालपोत कार्यालयमा विस्फोट गराउने दुई जना मुख्य आरोपीलाई पक्राउ गरेको छ। पक्राउ पर्नेमा सिरहा सुखिपुर नगरपालिका ५ का रामरिझन यादव र लक्ष्मीपुर पतारी गाउँपालिका ३ का २६ वर्षीय अभिमन्यू गिरी पक्राउ परेका हुन्। उनीहरूलाई प्रदेश प्रहरी कार्यालय र सिरहा प्रहरीको विशेष टोलीले सोमबार सुखिपुर नगरपालिका ५ बाट पक्राउ गरेको हो। 

आरोपीहरुले  घटना गराएको स्वीकार गरेका लहान प्रहरीले जनाएको छ । विस्फोटमा आठ जना घाइते भएका थिए। घटना गराउनुको उद्देश्यबारे पनि आरोपीले केही खुलाएका छन्। उनीहरूलाई हिरासतमा राखेर अनुसन्धान गरिएको प्रहरीको भनाइ छ ।