१९ बर्षीया युवतीलाई बलात्कारपछि हत्या प्रयास, युवक प्रक्राउ

रुपन्देही । रुपन्देहीमा १९ बर्षीया एक युवतीलाई बलात्कार पछि हत्या प्रयास गर्ने एक युवालाई त्यहाँको प्रहरीले पक्राउ गरि हिरासदमा राखेको छ । चैत्र ७ गते बिहान तिलोत्तम नगरपालिका वडा ११ को हरियाली बनमा १९ बर्षीया युवतीलाई  जवरजस्ती करणी पछि ज्यान मार्ने उद्योगमा संलग्न  सोही स्थानका २३ बर्षीय सुरेश थारुलाई पक्राउ गरि हिरासदमा  लिईएको बुटवल ईलाका प्रहरी कार्यालयका प्रमुख डिएसपी प्रितमसिंह राठौरले जानकारी दिए ।

उनका अनुसार निजले बलात्कार गरि सके पछि तीनै युवतीले बोकेको झोलाको डोरीले गला कसेर हत्याको प्रयास गरेका थिए । उनीहरु  आपसमा चिनजानका थिए ।

एउटै बिद्यालयमा पढेका र युवती भन्दा दुई तिन ब्याच सिनिएर थिए ती युवा । निज बिरुद्ध जबरजस्ती करणी र ज्यान मार्ने उद्योगको मुद्धा दर्ता भई अनुसन्धान भई रहेको डिएसपी राठौरले बताए ।