जनकपुरमा श्रीमानसंगै होटेलमा बसेकी महिलाको शव फेला

जनकपुर । श्रीमानसंगै जनकपुरको एक होटेलमा सँगै बसेकी म्यागदीकी एक महिलाको शव होटेल तल सडकमा फेला परेको छ । रामानन्द चोकस्थित सर्लाही होटेल एण्ड गेष्ट हाउसमा श्रीमानसँगै सुतेकी महिला पाँचौ तल्लामा बसेकी उनी होटेलबाट हाम फालेको वा खसालिएको अवस्थामा शव फेला परको हो ।

मृतक म्याग्दीको तत्कालीन बिम गाविस बस्ने ३० वर्षीया सृजना सुनार श्रीपाली रहेको प्रहरीले जनाएको छ । होटेल छेउमै रहेको खानेपानी संस्थानको कम्पाउण्ड भित्र आधा शरिर पानीमा र आधा बाहिर रहेको अवस्थामा उनको शव भेटिएको हो ।

प्रहरीका  अनुसार यातायात व्यवस्था कार्यालय जनकपुरमा स्कुटीको लाइसेन्स बनाउन श्रीमानसँगै उनी दुइदिन अघि जनकपुर आएर होटेलमा बसिरहेकी थिइन् । उनका श्रीमान विश्वास सिर्पालीले गएराति १२ बजे सँगै सुतेको र विहान करिब साढे तीनबजे बेडमा नदेखेपछि खोजतलास सुरु गरेको प्रहरी समक्ष बयान दिएका छन् ।